مقتل کا یہ منظر دیکھا
یار کے ہاتھ میں خنجر دیکھا
ہجر کے ماروں کو تو اکثر
چشمِ تر دل مضطر دیکھا
وحشت کا اک دریا میں نے
تیری آنکھ کے اندر دیکھا
کون سا غم ہے تیرے من میں
گُم سُم تجھ کو اکثر دیکھا
تیرے من کا کرب تمامی
رُخ پر تیرے ظاہر دیکھا
خبیب کنجاہی
رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
No comments:
Post a Comment