غم حیات سے کس کو نجات ملتی ہے

 غمِ حیات سے کس کو نجات ملتی ہے

سنا ہے مر کے بھی تازہ حیات ملتی ہے

عجیب رنگ دکھائے ہیں تُو نے حُسنِ ازل

کہ ہر زباں پہ رواں تیری بات ملتی ہے

سیاہ دونوں ہیں دونوں کے ایک سے ہیں مزاج

تمہاری زُلف سے فُرقت کی رات ملتی ہے

قدم قدم پہ زمانے میں ہیں نئے فتنے

قدم قدم پہ نئی واردات ملتی ہے

کسی سے دل بھی لگائیں تو کیا لگائیں یہاں

جو شے بھی ملتی ہے وہ بے ثبات ملتی ہے

انہیں کے حصے میں آتی ہے بندگی عابد

دلوں میں جن کے تجلئ ذات ملتی ہے

عابد پیشاوری

شام لال کالرا