ہجر کا قصہ بہت لمبا نہیں بس رات بھر ہے
ایک سناٹا مگر چھایا ہوا احساس پر ہے
اک سمندر بے حسی کا ایک کشتی آرزو کی
ہائے کتنی مختصر لوگوں کی رودادِ سفر ہے
میں ازل سے چل رہا ہوں، تھک گیا ہوں سوچتا ہوں
اس فصیلِ غم کو سر کرنے پہ بھی کیا مل سکے گا
ایک دیوار ہوا ہے، ایک تیرا سنگِ در ہے
ڈوبنے والے ستارے کو بھلا کب تک پکارے
زندگی کی رات کو سورج کے ہنس دینے کا ڈر ہے
دیکھ لے مجھ کو ابھی کچھ روشنی باقی ہے مجھ میں
شام تک اک ریت کا طوفان آنے کی خبر ہے
شمیم حنفی
No comments:
Post a Comment