کس نے اب یہ خبر اڑائی ہے

 کس نے اب یہ خبر اڑائی ہے

اس کے دل تک مِری رسائی ہے

میں بھی دل کھول کر ہنسا لیکن

مجھ پہ قسمت بھی مسکرائی ہے

میں ہوں اک دل ہے اور سایہ ہے

تین ہیں، تینوں میں لڑائی ہے

درد ہیں، آنسو آہیں اور غم ہے

پیار میں بس یہی کمائی ہے

پیار یہ آج کل کا پیار نہیں

سن اے لڑکی یہ گہری کھائی ہے

گر جو مانو تو میں یہ کہتا ہوں

سچ میں پُر لُطف یہ جدائی ہے

اپنی عزت بھی جب گنوا دی ہے

ڈُوب مرنے میں کیا برائی ہے

پیار ماں باپ کا ہی پیار ہے بس

ورنہ یہ پیار جگ ہنسائی ہے

پیار کو میں تو اتنا ہی جانا

زندگی یونہی بس لٹائی ہے

اتنی تو سُوجھ بُوجھ ہے امجد

تنہا رہنے میں ہی بھلائی ہے

امجد علی