وہ آج تک مرے معیارتک نہیں پہنچا

 وہ آج تک مِرے معیارتک نہیں پہنچا

جو شخص ریت کی دیوار تک نہیں پہنچا

ہیں کتنے لوگ یہاں ایڑیاں اُٹھائے ہوئے

کسی کا سر ابھی دستار تک نہیں پہنچا

نجانے آنکھ سے کیسے نکل گیا آنسو

یہ اور بات کہ رُخسار تک نہیں پہنچا

دماغ میں کہیں موجود ہے جو مُدت سے

خیال وہ ابھی اظہار تک نہیں پہنچا

ابھی تو راہ میں حائل ہیں دھوپ کے پہرے

گلی کا سایہ بھی دیوار تک نہیں پہنچا

میں سینہ تان کے کب سے کھڑا ہوں زِنداں میں

جھکا کے سر کسی دربار تک نہیں پہبچا

کمال حاشیہ بردار ہو گئے ہیں سب

مِرے سوا کوئی انکار تک نہیں پہنچا

اشرف کمال