خلقتِ شہر میں اپنوں کا ستایا ہوا شخص
مر ہی جائے گا کسی کرب میں آیا ہوا شخض
اپنے ہاتھوں سے کسی قبر میں رکھ آؤں گا
اپنے کاندھے پہ کوئی خود سا اُٹھایا ہوا شخص
اتنے صدمات میں زندہ ہے تو اک معجزہ ہے
وقت کے ہاتھ سے برسوں کا مٹایا ہوا شخص
اب تو رستے میں وہ کوہسار سے اُلجھا ہوا ہے
وہ تھا جنت میں جو مٹی سے بنایا ہوا شخص
دربدر ہے کہیں منزل کے سرابوں میں عقیل
دائرے میں تھا جو محور سے ہٹایا ہوا شخص
عقیل شاہ
No comments:
Post a Comment