ماں
اس کی ہستی وجود کا محور
اس کی آغوش وسعتِ افلاک
اس کی صحبت تھی درد کا درماں
تلخئ غم میں زہر کا تریاق
ظلمتوں کے ہجوم میں تاباں
اک جبیں جس کی روشنی مہ تاب
ہر بیاباں میں ڈھانپ لیتی تھی
اک ردا جس میں رحمتوں کے سحاب
دشت و صحرا میں، لالہ و گل میں
صبر و ایثار کا وجود تمام
اس نے کلکِ وفا سے لکھا ہے
میرے ہر رہگزر پہ اپنا نام
اب اُسی مہرباں کو روتا ہوں
خاک پر آسماں کو روتا ہوں
جاوید احمد غامدی
No comments:
Post a Comment