اپنی محبتوں کو سلیقہ ملے کوئی
اس دردِ لا دوا کو مسیحا ملے کوئی
ہم کو گئی رُتوں کا نوشتہ ملے کوئی
ایسا بھی احتساب کا لمحہ ملے کوئی
برسوں گزر گئے ہیں اسی انتظار میں
میں بھی سنوں جو آپ سا لہجہ ملے کوئی
جھیلیں بہت ہیں راہِ محبت میں سختیاں
یہ سوچ کر کہ ہم کو بھی اپنا ملے کوئی
اک عمر مجھ کو جاگتی آنکھوں نے کیا دیا
سو جاؤں اور خواب سا چہرا ملے کوئی
پہلے سمندروں سے بھنور کو نکالیے
پھر کشتئ جنوں کو کنارا ملے کوئی
جاوید منظر
No comments:
Post a Comment