ننگے پیر آپ نہ یوں سیرِ گلستاں کیجیۓ
احتیاط اتنا تو اے جانِ بہاراں! کیجیۓ
چاندنی حسن کی اک بار چھڑک کر میرے
جسم میں پھیلے بیابان کو تاباں کیجیۓ
حسنِ گفتار سے یوں کیجیے گل افشانی آپ
دل کے آنگن کو محبت کا گلستاں کیجیۓ
مجرمِ جرمِ وفا ہوں مجھے ماریں پتھر
پرسا آپ اگر ہیں تو یہ ساماں کیجیۓ
کوبکو پھول محبت کے کھلاتے چلیۓ
رستے رستے کو چمن زار کی گلیاں کیجیۓ
اک تبسم کی جو خیرات نہیں دے سکتا
ایسے انساں سے بیاں اپنے نہ ارماں کیجیۓ
پھول الفت کے سلیم اتنے یہ مہنگے کیوں ہیں
ہم غریبوں کے لیے کچھ انہیں ارزاں کیجیۓ
سلیم رضا
No comments:
Post a Comment