بے وفا ہجر کے آزار اُٹھا چھوڑ مجھے
عشق تکیے پہ پڑے بار اٹھا چھوڑ مجھے
دوسرا خانہ تِرے دل کا کسی اور کا ہے
جا وہاں اور بٹھا یار اٹھا چھوڑ مجھے
میری راہوں میں بھرے خار تِرے حصے کے
تُو کسی اور کے اب خار اٹھا چھوڑ مجھے
یہ جو مقتل ہے بہت دیکھا ہوا لگتا ہے
سامنے آ کے مِرے دار اٹھا چھوڑ مجھے
یہ مِری سانس مِری آس نہیں مہلت ہے
زندگی اپنی تو بے کار اٹھا چھوڑ مجھے
ہما شاہ
No comments:
Post a Comment