ساقی جو دئیے جائے یہ کہہ کر کہ پئے جا

ساقی جو دئیے جائے یہ کہہ کر کہ پئے جا

تو میں بھی پئے جاؤں یہ کہہ کر کہ دئیے جا

جانے کی جو ضد ہے تو مجھے زہر دئیے جا

اتنا تو کہا مان لے،۔ اتنا تو کئے جا

کچھ اور نہ کر مجھ پہ جفائیں تو کئے جا

کچھ اور نہ لے میری دعائیں تو لیے جا

کیا لذتِ تعزیر نے مجبور کیا ہے

آتا ہے یہی جی میں کہ تقصیر کیۓ جا

کم بخت رسا تیری رسائی نہیں ان تک

تو خوب سا اسلام کو بدنام کیۓ جا

رسا رامپوری