اس دل کو مرے خانۂ ویراں کی طلب ہے

 اس دل کو مِرے خانۂ ویراں کی طلب ہے

ہاں مجھ کو مِرے قیسِ بیاباں کی طلب ہے

صحرا میں بھٹکتا ہے مِرا چاہنے والا

دنیا کو مِرے حُسنِ پریشاں کی طلب ہے

ہم بھی تو گزرتے رہے ہر دشتِ جنوں سے

مجنوں ہمیں بھی تیرے شبستاں کی طلب ہے

دنیا کو مٹا ڈالے جو اور ہم کو ملا دے

اس دل کو تو اب ایسے ہی طوفاں کی طلب ہے

سانسوں کی ہے تُو لَے پہ مِری دھڑکنوں میں تُو

آ جا، کہ تُو ہی سازِ رگِ جاں کی طلب ہے

جیتا تھا زمانے میں جو اوروں کی خوشی سے

پھر آج زمانے کو اس انساں کی طلب ہے

عرصے سے مِری آنکھوں میں جنبش نہیں کوئی

رابیل! انہیں بھی رخِ جاناں کی طلب ہے

گل رابیل