حسن بہاراں کہوں تو کیا عجب

 حسنِ بہاراں کہوں تو کیا عجب

رشکِ گلستان کہوں تو کیا عجب

زلف ہے ساون کی کوئی مست گھٹا

رخِ ماہِ تاباں کہوں تو کیا عجب

اور اگر تیرے لب و دنداں کو میں

یاقوت و مرجان کہوں تو کیا عجب

حرف ح کی شان تیرا حسن ہے

حرف پہ داستان کہوں تو کیا عجب

آج تیری دلکشی میں ڈوب کے

ایک غزل رواں کہوں تو کیا عجب

دیکھوں تجھے آ جاتی ہے جان میں جان

تجھے میری جان کہوں تو کیا عجب

زاہد کی نظر میں حسنِ حور کمال

میں حسنِ انسان کہوں تو کیا عجب

حضرت! تیرا ہر لفظ موتی سہی

مگر رائیگاں کہوں تو کیا عجب

حضرت سرحدی