عارفانہ کلام حمد نعت منقبت سلام
ممتاز محمدﷺ ہیں دنیا کے نگاروں میں
ملتا نہیں ان جیسا لاکھوں میں ہزاروں میں
یہ راز تو کھلتا ہے بس چشمِ بصیرت پر
ہر جا ہے ثناء ان کی قرآن کے پاروں میں
شق کیوں نہ قمر ہوتا لوٹ آتا نہ سورج
دونوں ہی مسخّر ہیں جب ان کے اشاروں میں
یوں سید عالمؐ ہیں نبیوں میں رسولوں میں
جیسا کہ چمکتا ہے یہ چاند ستاروں میں
کیا ہو گا ریاض! عالم دیدارِ محمدﷺ کا
دیکھیں گے انہیں جب ہم جنت کی بہاروں میں
ریاض الدین سہروردی
No comments:
Post a Comment