عارفانہ کلام حمد نعت منقبت
چمکا ہے آفتابِ رسالتؐ کہاں کہاں
پہنچی ہے روشنی ہدایت کہاں کہاں
غارِ حِرا میں اور کبھی عرش پر گئے
روشن ہوئی ہے شمعِ نبوتؐ کہاں کہاں
دنیا کو روشناس کرایا ہے دین سے
نافذ ہوئی ہے تِری شریعت کہاں کہاں
دشمن بھی مانتے ہیں تجھے صادق و امیں
ہے تیرا ذکر صدق و صداقت کہاں کہاں
زاہد مجھے نہ ان کے نقوش قدم ملے
کرتی رہی تلاش عقیدت کہاں کہاں
زاہد فتحپوری
کرار حسین
No comments:
Post a Comment