عقل جُزوی چھوڑ کر اے یار فکر کُل کرو
مشعلِ دل کو چتا فانی چراغاں گُل کرو
دل لگاؤ ایک سے دونوں جہاں جس کا ظہور
بوالہوس ہو کر نہ ہرگز عادت بُلبل کرو
زلف و عارض ہے منور دیکھ وجہ اللہ کا
تم نکو سیر چمن اور خواہشِ سُنبل کرو
قول پر لا تقنطو کے رہو ہمیشہ جمع دل
مت تمہیں خاطر پریشاں صورتِ کاکُل کرو
اے علیم اللہ! اول عشق میں مسمار ہو
عاشقوں میں بعد اپنے عاشقی کا غُل کرو
سید علیم اللہ
No comments:
Post a Comment