سامنے سے مِرے کترا کے گئے ہیں ایسے
میں نے دیکھا نہیں جاتے ہوئے ان کو جیسے
مشورے دیتے رہے جو مجھے مُخلص کی طرح
کیا کہوں ان سے بھی کھاتا رہا دھوکے کیسے
بیچ دو سارا جہاں بھی تو نہیں بھر سکتا
میرے کشکول میں آ سکتے ہیں اتنے پیسے
اپنے قاتل بھی حقیقت میں وہی ہوتے ہیں
کام لیتے ہیں لہُو کا جو شرابی مے سے
ایک مُدت میں پرکھنے کا ہُنر آتا ہے
بیوفا کہہ دوں اسے پہلی نظر میں کیسے
قیمتی لعل بھی گدڑی میں ہُوا کرتے ہیں
ایسوں ویسوں کو سمجھنا نہیں ایسے ویسے
کُھلے ماحول میں جو مجھ کو لیے پھرتے ہیں
ان کو واجد میں گُھٹن دل کی دِکھاؤں کیسے
واجد سحری
No comments:
Post a Comment