تيرا وجود نہیں گر تو لفظ ہو کيا ہے

 رقصِ ہُو

تيرا وجود نہیں گر تو لفظِ ہُو کيا ہے

عشق میں کٹ نہ سکے پھر تو وہ گُلو کيا ہے

وجودِ ابنِ آدم میں ہے تيرا عکس عياں

تو پھر ہے شور شرابہ يہ چار سُو کيا ہے

گلشنِ يار میں قُمرى کو وہ تميز کہاں

تم ہى بتلاؤ ہميں کہ يہ رنگ و بُو کيا ہے

ہميں الہام ہوا ہے يہ رقصِ ہُو کى صدا

بتا تو ديجئے آخر کہ رقصِ ہُو کيا ہے

سبھى کو آس ہے وحشت میں دلرُبائى کى

وجودِ عکسِ خدائى کى جستجُو کيا ہے

کہا گيا کہ يہ دنيا تو اک سراب ہے بس

اگر سراب ہے تو فطرتِ نشُو کيا ہے

تمہارے ديس میں رہتے ہیں اداکار بہت

کوئى احساس نہیں ہے کہ آبرُو کيا ہے

نيتِ پاک تو لازم ہے عبادت کے لیے

ورنہ سو بار کرو پھر بھى يہ وضُو کيا ہے

صبح سے شام تک اس نا خدا کى بستى میں

جو تم نہیں ہے تو پھر شورِ کُو بہ کُو کيا ہے

اب تو ميخانے سے ہم دور جا چکے ہیں بہت

ہم سے مت پوچھ کہ يہ ساقى و سبُو کيا ہے

لاکھ کوشش کے بھى آنکھوں سے نہ ہو پائى بياں

دردِ دل تُو ہى بتا دل میں يہ رفُو کيا ہے

ہنوز ہم سے نہ پوچھو کہ کيا ہوا صابر

ہم اپنے آپ سے کہتے ہیں يہ لہُو کيا ہے

صابر فرحان بلتستانی