عارفانہ کلام نعتیہ کلام
تیری جالیوں کے نیچے تیری رحمتوں کے سائے
جسے دیکھنی ہو جنت وہ مدینہ دیکھ آئے
نہ یہ بات شان سے ہے نہ یہ بات مال و زر کی
وہی جاتا ہے مدینے، آقاﷺ جسے بلائے
کیسے وہاں کے دن ہیں کیسی وہاں کی راتیں
انہیں پوچھ لو نبیﷺ کا جو مدینہ دیکھ آئے
جو مدینے لمحے گزرے جو مدینے دن گزارے
وہی لمحے زندگی ہیں، وہی میرے کام آئے
طیبہ کو جانے والے تجھے دیتا ہوں دعائیں
در مصطفیٰؐ پہ جا کے تُو جہاں کو بھول جائے
روضے کے سامنے میں یہ دعائیں مانگتا تھا
میری جاں نکل تو جائے، یہ سماں بدل نہ جائے
لو چلا ہوں میں لحد میں میرے مصطفیٰؐ سے کہ دو
کہ ہوا تیری گلی کی مجھے چھوڑنے کو آئے
وہی غم گسار میرا وہ ظہوری! یار میرا
میری قبر پر جو آئے نعت نبیؐ سنائے
محمد علی ظہوری
No comments:
Post a Comment