عارفانہ کلام حمد نعت منقبت
تا ابد ممکن نہیں تنویرِ فاراں کا جواب
پرتَوِ روئے نبیﷺ سے آئینے ہیں آب آب
مل نہیں سکتا قیامت تک کہیں اُس کا جواب
جس نے پتھریلی زمینوں پر اُگائے ہیں گلاب
مصطفیٰ یا مصطفیٰ یا مصطفیٰ یا مصطفیٰﷺ
بس یہی میرا سبق ہے بس یہی میرا نصاب
منزلِ قوسین تک پہنچے جو محبوبِؐ خدا
رک گئی نبضِ زمانہ کیا قمر کیا آفتاب
کیا نہیں یہ اعترافِ علمِ ختم المرسلیںﷺ
چاہتے ہیں لوگ چودہ سو برس پہلا نصاب
دیکھنا اے آتشِ دوزخ رہے اس کا خیال
ہم غلامِ مصطفیٰﷺ ہیں ہم غلامِ بو ترابؑ
اتنے کم رتبہ ہوئے ہم اُنؐ کا دامن چھوڑ کر
جیسے صحرا میں بگولے جیسے جیسے دریا میں حباب
ذره ذرہ دہر کا عارف منور ہو گیا
جب شعاعیں بانٹتا گزرا عرب کا ماہتاب
عارف اکبرآبادی
No comments:
Post a Comment