آمد گل سے جنوں کی ایک آسانی جو تھی

آمدِ گل سے جنوں کی ایک آسانی جو تھی

تازہ کر دی میں نے رسمِ چاک دامانی جو تھی

آپ اپنی محویت میں کیا کمالِ حسن تھی

خال و خط میں اسکے اک خوابوں کی حیرانی جو تھی

بُوےۓ گل میں پردۂ خلوت سا کوئی رمز تھا

رنگِ مے سے ہے، لبوں کی اک سخن دانی جو تھی

نقشِ نو اپنی جگہ،۔۔ آئینہ گاہ اپنی جگہ 

دل کی ویرانی مگر ہے، دل کی ویرانی جو تھی

آخری نشتر تھا دل پر، اس کا مڑ کر دیکھنا 

رہ گئی ہے زخمِ دل میں اک گراں جانی جو تھی

عزیز حامد مدنی ​ 

(غیر مطبوعہ غزل)