ساری خوشیاں بھول جا اور غم منا

 ساری خُوشیاں بھُول جا اور غم منا

خُوب کھُل کے مُسکرا اور غم منا

کس سے تم کو پیار تھا یا عشق تھا

دل کو اب پتھر بنا، اور غم منا

کیا دیا کس نے دیا سب چھوڑ تُو

غم ہی منا ،غم منا، اور غم منا

دنیا داری ہے یہ دل سے کھیلنا

دل کو بس اب خوں رُلا اور غم منا

دل کو تو ہر اک ادا سے رکھ پرے

آنکھوں سے چشمے بہا اور غم منا

گر سکُوں لینا ہے تو اک بات سُن

چل ذرا مے خانے آ اور غم منا

نینوں سے تو پینے کا ہی عادی ہے

نینوں کو سوچوں میں لا اور غم منا

کہنے والا کہتا ہے جو کہنے دے

سب کی ہی تُو سُنتا جا اور غم منا

تاروں کی موجودگی میں لکھتا جا

چاند کو چھت پر بُلا اور غم منا

پی کے پیالہ موت کا کر لے سکوں

جگ کو بھی امجد ہنسا اور غم منا

امجد علی