جان کر اس سے ہار جاتے ہیں

 جان کر اُس سے ہار جاتے ہیں

اور، پھر قہقہے لگاتے ہیں

پھر تِری سمت لوٹ آتے ہیں

خواہ ہم جس طرف بھی جاتے ہیں

ہم سے کیسے کرے کا یار گریز

ہم تِرے راستے میں آتے ہیں

اک ذرا سی زمین پر ہیں اور

آسمانوں سے دل لگاتے ہیں

کام کوئی نہیں سو مٹی پر

بیٹھ کر دائرے بناتے ہیں

کارِ دنیا میں رہتے ہیں مصروف

اپنی دیوانگی چھپاتے ہیں

دل سے غصہ نکالتے نہیں کیوں

کیوں یہ بارِ گراں اٹھاتے ہیں

کون ہم سے مقابلہ کرے گا

ہم ہوا میں محل بناتے ہیں

محمد حنیف