محبتوں کا مجسم کوئی منارہ بنا
اگر بنا نہیں سکتا مجھے دوبارہ بنا
اگر میں دشت کی تخلیق میں نمایاں لگوں
مِرے ہنر کو مِرے رزق کا سہارہ بنا
چراغ، چہرے، محبت، اداس شامِ الم
میں کارِ خیر کروں، تُو کوئی کنارہ بنا
زمیں سے دور فلک سے بھی دور آ ئے نظر
اے میرے دوست مِری چشم کو ستارہ بنا
جہاں پہ لوگ محبت کی آبیاری کریں
زمین دل پہ کہیں راستہ دوبارہ بنا
یہ کائنات مری آنکھ میں سما جائے
نظر کے گرد مِری چار سُو نظارہ بنا
حسن رضا
No comments:
Post a Comment