بنامِ علم وہ سودا ہوا ہے
اک اک دلّال شرمندہ ہوا ہے
بتانِ شہر کے ماتھے بتائیں
قلندر طیش میں آیا ہوا ہے
ہماری آنکھ دریا ہوگئی تھی
ہماری آنکھ پر قبضہ ہوا ہے
ہماری موت کے سوداگروں نے
لباسِ زندگی پہنا ہوا ہے
ہم اتنے بور کیوں ہونے لگے ہیں
ہماری حیرتوں کو کیا ہوا ہے
گریباں دیکھ کر حیرت زدہ ہیں
ہمارے ساتھ کیوں اچھا ہوا ہے
خدا فرحان کو وہ بھی دکھائے
جو منظر روح نے دیکھا ہوا ہے
فرحان عباس بابر
No comments:
Post a Comment