ہزار کہتا رہا میں کہ یار ایک منٹ

 ہزار کہتا رہا میں کہ یار ایک منٹ

کِیا نہ اس نے مِرا انتطار ایک منٹ

میں جانتا ہوں کہ ہے یہ خمار ایک منٹ

اِدھر بھی آئی تھی موجِ بہار ایک منٹ

پتا چلے کہ ہمیں کون کون چھوڑ گیا

ذرا چھٹے تو یہ گرد و غبار ایک منٹ

ابد تلک ہوئے ہم اس کے وسوسوں کے اسیر

کیا تھا جس پہ کبھی اعتبار ایک منٹ

اگرچہ کچھ نہیں اوقات ایک ہفتے کی

جو سوچئے تو ہیں یہ دس ہزار ایک منٹ

پھر آج کام سے تاخیر ہو گئی باصر

کسی نے ہم سے کہا بار بار ایک منٹ

باصر کاظمی