جب تِرے آستاں پہ جائیں گے
آنسوؤں کے دِیے جلائیں گے
ایک خیمہ لگائیں گے غم کا
رات بھر رَت جگا منائیں گے
تم جہاں روز ملنے آتے تھے
دُکھ کی چادر وہاں بِچھائیں گے
ساری بستی بھی سو نہ پائے گی
یُوں در و بام کو رُلائیں گے
اِک دوکاں درد کی خریدیں گے
خُوب جِی بھر کے رنج کمائیں گے
جانے کس کس کی یاد آئے گی
جب بھی بادل اُمنڈ کے آئیں گے
کیا خبر تھی کی ایک دِن ہم لوگ
تیری صُورت ہی بُھول جائیں گے
وہ رُتیں لَوٹ کر بھی آجائیں
جانے والے کہاں سے آئیں گے
ظہیر اقبال
No comments:
Post a Comment