یہاں پہ رکتے نہیں کہئے کہاں ٹھہرے ہیں

 یہاں پہ رکتے نہیں کہئے کہاں ٹھہرے ہیں

ہمیں معلوم تو ہو آپ جہاں ٹھہرے ہیں

شیریں لب، شیریں زباں، شیریں دہاں

آپ دنیا میں حلاوت کا جہاں ٹھہرے ہیں

غمزہ و ناز و ادا آپ کو زیبا ہیں سبھی

پیکرِ حسن ہیں آپ، اور جواں ٹھہرے ہیں

صحنِ کعبہ میں لیے جاتا ہے کیوں شیخ ہمیں

ہم تو مشتاق و پرستارِ بتاں ٹھہرے ہیں

راز سے پوچھتے ہو لذتِ فریاد و فغاں

راز تو دشمنِ فریاد و فغاں ٹھہرے ہیں

راز لائلپوری