دامن لہو لہو ہے گریباں لہو لہو
ہیں کشتگان فصل بہاراں لہو لہو
شاید گزر چکی ہے اسیروں کی جان پر
زنجیر ہے خموش تو زنداں لہو لہو
گو ہو چکا وجود پتنگوں کا بے نشاں
ہے دامن چراغ شبستاں لہو لہو
کس کاروان آبلہ پا کا گزر ہوا
ہے دشت خون خون بیاباں لہو لہو
خنجر فشاں ہے کس کی خدائی چہار سمت
ہر گام پر ہے عظمت انساں لہو لہو
آنچل ہے سرخ خوں سے عروس بہار کا
گلچیں کے جور سے ہے گلستاں لہو لہو
جولاں فقط رگوں میں مبارک لہو نہیں
ہے قل تا بہ دیدۂ گریاں لہو لہو
مبارک مونگیری
No comments:
Post a Comment