عارفانہ کلام نعتیہ کلام
مِرا قیام مدینے میں عمر بھر کر دے
مِرے خدا تو مدینے کو میرا گھر کر دے
حرم شریف کو دیکھوں میں خواب میں اکثر
مِرے نبیﷺ تُو مجھے اتنا معتبر کر دے
مرے خدا کا بڑا اور کیا کرم ہو گا
اگر حیات مدینے میں مختصر کر دے
صدائے حق مِری پہچان ہو نبی میرے
رہِ حیات میں اتنا مجھے نڈر کر دے
مہک اٹھیں در و دیوار میرے گھر کے یوں
مِری دعا کو مِرے گھر میں با اثر کر دے
سدا بہار تِری زندگی رہے گی گل
نبی سے عشق اگر اپنا ہمسفر کر دے
گل بخشالوی
No comments:
Post a Comment