میں چاہتا ہوں ہمارے درمیان گفتگو رہے

 میں چاہتا ہوں ہمارے درمیان گفتگو رہے

کچھ نہ بھی رہے میرے پاس مگر تُو رہے

میں چاہتا ہوں میری بیٹی شرارتی ہو بہت

میں چاہتا ہوں اس کی عادت تیرے ہو بہو رہے

میں چاہتا ہوں یہ آنکھیں تجھے دیکھتی رہیں

میں چاہتا ہوں زبان تیرے ذکر سے با وضو رہے

میں چاہتا ہوں تجھے دیکھ کر مسکراؤں میں

میں چاہتا ہوں تیرا چہرہ میرے روبرو رہے

میں چاہتا ہوں میرا نام ہو تیرے نام کے آگے

میں چاہتا ہوں تیرے نام کی یہی آبرو رہے

میں چاہتا ہوں میرے کوٹ کا ٹوٹا بٹن لگاؤ تم

میں چاہتا ہوں کوٹ میں تیری خوشبو رہے

میں چاہتا ہوں تیری کلائی کو تراش لوں ایسا

جھنگ کی چوڑیوں کو تیری کلائی کی آرزو رہے

شاویز احسن