منفرد سب سے مری طرز ہنر ہے جاناں

 منفرد سب سے مری طرزِ ہنر ہے جاناں

میرے لہجے میں محبت کا اثر ہے جاناں

میرے ہر شعر کے باطن میں اتر کر دیکھو

اس کا ہر مصرعۂ تر، مثلِ گہر جاناں

شہر کا شہر بصارت سے ہوا ہے محروم

ایک تُو ہی تُو یہاں اہلِ نظر ہے جاناں

میں تجھے کیسے مِری جان بُھلا سکتی ہوں

تجھ سے آباد مِرے دل کا نگر ہے جاناں

مجھے شکوہ تو نہیں بے سر و سامانی کا

تیری چاہت ہی مِرا رختِ سفر ہے جاناں

تُو نے لفظوں کی مسیحائی عطا کی مجھ کو

یہ تِری خاص عنایت کی نظر ہے جاناں

دشتِ وحشت کا جسے نام دیا تھا تُو نے

تیری رابیل وہیں خاک بسر ہے جاناں

گل رابیل