یہ طبیعت ہے تو خود آزار بن جائیں گے ہم
چارہ گر روئیں گے اور غمخوار بن جائیں گے ہم
ہم سرِ چاکِ وفا ہیں اور تیرا دستِ ہنر
جو بنا دے گا ہمیں اے یار! بن جائیں گے ہم
کیا خبر تھی اے نگارِ شعر! تیرے عشق میں
سخت جاں ہیں پر ہماری استواری پر نہ جا
ایسے ٹوٹیں گے تیرا اقرار بن جائیں گے ہم
اور کچھ دن بیٹھنے دو کوئے جاں میں ہمیں
رفتہ رفتہ سایۂ دیوار بن جائیں گے ہم
اس قدر آساں نہ ہو گی ہر کسی سے دوستی
آشنائی میں تیرا معیار بن جائیں گے ہم
میرؔ و غالبؔ کیا کہ بن پائے نہیں فیضؔ و فراقؔ
زعم یہ تھا رومیؔ و اوتار بن جائیں گے ہم
دیکھنے میں شاخِ گل لگتے ہیں لیکن دیکھنا
دستِ گلچیں کے لئے تلوار بن جائیں گے ہم
ہم چراغوں کو تو تاریکی سے لڑنا ہے فرازؔ
گل ہوئے پر صبح کے آثار بن جائیں گے ہم
احمد فراز
No comments:
Post a Comment