دیکھا تھا فقط زُلف کو شانوں سے کمر تک
پائی نہ کہیں دل نے تو پھر اپنی خبر تک
قدموں میں تِرے بیٹھا ہے دلدار کی صورت
جو دل نہ گیا چل کے کسی راہ گزر تک
پھرتے ہیں وہ اکثر لیے آئینہ جہاں میں
دیکھا ہے جنہیں عشق نے حیرت کی نظر تک
خود نقشِِ قدم اپنے مِٹانے پہ تُلے ہیں
واقف تھے جو ساحل سے سمندر کے بھنور تک
دیکھے ہیں بہت تم نے سزا یافتہ مجرم
قیدی ہُوں میں زِنداں کا شبِ غم کی سحر تک
دنیا کی محبت میں یہی جانا ہے اکرام
زہراب کئی رنگوں میں ڈھلتا ہے اثر تک
اکرام قاسمی
No comments:
Post a Comment