سیلاب صفت ہے تِری یادوں کی گھٹا بھی
جاتے ہوئے ساون نے عجب دھوم مچا دی
سب نام تِرے تھے سبھی امکان تِرے تھے
تجھ کو ہی ہر اک موڑ پہ رُک رُک کے صدا دی
سہنا وہی اک ہجر کا آزار زمیں کو
اور چشمِ فلک کی وہی بلور نمائی
اک جام کی امید پہ واں ہم بھی کھڑے تھے
خوشبو سے بھری تھی تِری قربت کی صُراحی
رکھوں کہاں اس ہجر سے لبریز بدن کو
آنکھوں سے چھلکنے لگی اب دل کی گلابی
صائمہ علی زیدی
No comments:
Post a Comment