دل نگر اُداسی کا
یہ سفر اداسی کا
ساری بستی خوشیوں کی
ایک گھر اداسی کا
اک پڑاؤ خوشیوں کا
اک ٹھہر اداسی کا
ہے کہیں ٹھکانہ بھی
در بدر اداسی کا
کون میرے جیسا ہے
منتظر اداسی کا
اک لہر اداسی کی
پھر ٹھہر اداسی کا
ڈھیر اداس رکھتا ہے
اک امر اداسی کا
خونچکاں منظر ہے
تر بہ تر اداسی کا
ان دنوں تو ڈیرہ ہے
سر بہ سر اداسی کا
ڈھیروں خوشیاں ملتی ہیں
میں مگر اداسی کا
دل پہ خوف طاری ہے
بارِ دِگر اداسی کا
آنکھیں اضطراب میں
جی میں گھر اداسی کا
خوشیاں بانٹ لوگوں میں
کچھ تو کر اداسی کا
کر ہی کچھ نہ پائے تو
ہم اگر اداسی کا
مرزا رضی الرحمٰن
No comments:
Post a Comment