عشق کے نام پہ کس کس نے ياں فساد کيا
میں نے کُھل کُھل کے تِرے واسطے جہاد کيا
ہم نشيں بعد تيرے کيسے سنبھالا دل کو
جانے کس کرب میں رَس بَس کے يہ آباد کيا
جيسے جينے کى دعا مرضِ وبا مانگتے ہیں
میں نے اس حال میں اے جاں تجھے فرياد کيا
کوئى چُھپ چُھپ کے چلے آتے، زخم دے جاتے
میں نے ہنس ہنس کے ہر اک گھاؤ کو ناشاد کيا
طے تو يہ تھا کہ محبت میں کمى کوئى نہ ہو
میں نے تو خود کو اِسى آس میں برباد کيا
سانس ليتے بھى تو ڈر ڈر کے ليا کرتے تھے
تُو نے اس قيد سے اب روح کو آزاد کيا
جب بھى تحفے میں کسى نے جو مجھے پھول ديا
میں نے تجھ کو تيرے آنگن کو بہت ياد کيا
دردِ دل حد سے گزرنے جو لگى تو ہم نے
اپنے سائے سے لپٹ کر تجھے فرياد کيا
مدتوں بعد تيرى ايک نشانى پا کر
آنکھ پُر نم ہوئى، دل مائلِ فرياد کيا
حالتِ سوزشِ انديش زبوں میں صابر
طائرِ صبر کو ہنستے ہوئے آزاد کيا
صابر فرحان بلتستانی
No comments:
Post a Comment