اگرچہ دامن دل تار تار رکھتا ہوں

عارفانہ کلام حمدیہ کلام

اگرچہ دامنِ دل تار تار رکھتا ہوں

تِرے کرم سے امیدیں ہزار رکھتا ہوں

شکستہ دل ہوں مگر دل کو آسرا تیرا

خزاں نصیب امیدِ بہار رکھتا ہوں

بھنور ہیں لاکھ مگر تیری ناخدائی پر

خدا، خدا کی قسم اعتبار رکھتا ہوں

تِری ثنا ہے، تِرا ذکر، حمد ہے تیری

جدا زمانہ سے لیل و نہار رکھتا ہوں

حرم ہے دور نگاہوں پر تصور میں

جبیں کو در پہ تِرے بار بار رکھتا ہوں

کِرن کوئی تو سرِ طورِ دل اتر آئے

میں صبح و شام یہی انتظار رکھتا ہوں

سجا ہے خاکِ مدینہ کا سر پہ تاج مِرے

غریبِ شہر، سر شہر یار کھتا ہوں

چمک اٹھی ہے مِری بندگی سے پیشانی

اویس ایک یہی افتخار رکھتا ہوں

اویس جعفری