مگرمچھ کی صورت وہ ہم دیکھتے ہیں

 مگرمچھ کی صورت وہ ہم دیکھتے ہیں

سیاست میں جو چشمِ نم دیکھتے ہیں

جو زندہ ہیں دھرتی پہ اپنے وطن میں

یہ خود پر خدا کا کرم دیکھتے ہیں

وڈیروں کے دورِ حکومت میں ہم تو

ستم ہی ستم پر ستم دیکھتے ہیں

مِرا سر مِرے جسم پر کب وہ چاہیں

لہو میں جو ڈوبا قلم دیکھتے ہیں

قلم جن کو دینا تھا گلشن میں اپنے

گلابوں کے ہاتوں میں بم دیکھتے ہیں

گزرتے نہیں اس گلی سے بھی ظالم

''جہاں تیرا نقش قدم دیکھتے ہیں''

خوشی کی تمنا ہے اپنی عبث گل

کہ دہلیز پر غم ہی غم دیکھتے ہیں

گل بخشالوی