زیادہ بولنے میں بھی سمجھداری نہیں ہوتی
اگر چپ رہ لیا جائے تو بیماری نہیں ہوتی
بنے جب زندگی خود ہی علامت بے وفائی کی
اجل سے دل لگا لینے میں دشواری نہیں ہوتی
زمیں بھی کاندھے پر رکھ لو جو نیت ہو اٹھانے کی
اگر کوشش کریں تو کوئی شے بھاری نہیں ہوتی
زمانے بھر کے رنج و غم سجا دیتے ہو تم اِس میں
سنو سینے میں دل ہوتا ہے الماری نہیں ہوتی
بھروسا تم پہ کر کے جان و دل کوئی اگر دے دے
امانت میں خیانت کرنا فنکاری نہیں ہوتی
روبنسن روبی
No comments:
Post a Comment