اس پر نشہ کچھ عشق کا ایسا سوار ہے

 اُس پر نشہ کچھ عشق کا ایسا سوار ہے

آنکھوں میں اس کے مے سے زیادہ خمار ہے

پُروائی سے لو زکم ہرے ہو گئے سبھی

یہ گلشنِ وفا کی ہمارے بہار ہے

یہ بھی یقین ہے وہ پلٹ کر نہ آئے گا

آنے کا اُس کے پھر بھی مجھے انتظار ہے

تعلیم و تربیت کا جنازہ نکل گیا

تہذیب خونچکاں ہے ، تمدن فگار ہے

اردو میں لکھ کے کتبہ نہ اس پر لگایئے

ورنہ کہیں گے لوگ یہ کس کا مزار ہے

مُنصف نے کردیا ہے بری اس کو خیر سے

قاتل پہ میرے کتنا اسے اعتبار ہے

چلتا رہے گا ٭آواگمن٭ کا یہ سلسلہ

آتی بہار ہے، کوئی جاتی بہار ہے

گو جان تو اسی کی ہے جائے گی ایک دن

کہنے کو وہ متین مِرا جاں نثار ہے

متین امروہوی

٭آواگمن : آمد و رفت، آنا جانا