غم کی سلاخیں آنکھوں میں اکثر لگائیں گے
دل میں اُداسیوں کا دُھواں بھرتے جائیں گے
ہم ضبط کی ندی سے لگائیں گے اپنے ہونٹ
آنکھوں سے آنسوؤں کا سمندر بہائیں گے
پہلے گلے لگا کے تجھے روئیں زار زار
پھر تیرے ہاتھ چُوم کے تجھ کو منائیں گے
پھولوں سے دوستی میں بڑا فائدہ ہوا
تتلی کی دوستی سے بھی ہم فیض پائیں گے
بحرِ جنوں میں ڈوبنا جب بھی ہوا نصیب
محرومیوں پہ لوگ نئے گیت گائیں گے
مذہب پسند آپ ہیں،۔ شدت پسند میں
مجھ سے گناہگار جہنم میں جائیں گے
ثمر علی
ثمر محمد علی
No comments:
Post a Comment