صدا ہماری محیطِ خلا نہ بن جائے
عدو کے واسطے یہ بد دعا نہ بن جائے
کسی بشر کی غلامی بہت ضروری ہے
کہیں زمین پہ کوئی خدا نہ بن جائے
ہُوا ہے کربلا اک بار پھر نہ ہونے کو
گھرانہ سارا شہیدِ وفا نہ بن جائے
زباں کو قید کیا ہے فصیلِ دنداں میں
یہ جان کر کہ کسی کا کہا نہ بن جائے
جہاں تک ہو سکے ماحول کا خیال رہے
سموم تا کہ یہ آب و ہوا نہ بن جائے
گزارہ شکل سہی حسن تو مصیبت ہے
خدا کرے کہ کوئی دلرُبا نہ بن جائے
ضیا کو مشورہ ہے اہلِ دل کی جانب سے
کلین شیو رہے،۔ پارسا نہ بن جائے
امین ضیا
No comments:
Post a Comment