عارفانہ کلام نعتیہ کلام
چوکھٹ نبیؐ کی چھوڑ کے جاتا کہاں کہاں
ان کا فقیر ٹھوکریں کھاتا کہاں کہاں
ہوتی اگر نہ آپ کی چوکھٹ اسے نصیب
آنسو گنہ گار بہاتا کہاں کہاں
جیسے بیاں حضور کی خدمت میں کر دیا
ایسے میں دل کا حال سناتا کہاں کہاں
اچھا ہوا دیار سخاوت میں پڑ رہا
پھر کر صدا فقیر لگاتا کہاں کہاں
ہوتا احد کی جنگ میں شہزاد گر شریک
خود کو نہ ان کی ڈھال بناتا کہاں کہاں
شہزاد مجددی
No comments:
Post a Comment