اک دیا بس بجھانا رہ گیا تھا

 اک دِیا بس بُجھانا رہ گیا تھا

ہاتھ بس اب چھُڑانا رہ گیا تھا

سلسلے سارے توڑنے والے

سلسلہ تو بنانا رہ گیا تھا

میں تو کب کا ہی مان چکا تھا

بس تمہارا منانا رہ گیا تھا

اب بدل تو گیا تھا آئینہ بھی

اس میں چہرہ پرانا رہ گیا تھا

یہ محبت تھی اختتام پہ اب

بس یہ ملنا ملانا رہ گیا تھا

چل اٹھا سب جوازِ عذر اپنے

میں ہی ان کا ٹھکانا رہ گیا تھا

آ گیا ہوں میں مقتلِ جاں اتاش

ان کا مقتل سجانا رہ گیا تھا

ذیشان اتاش