ہم سراپا محنت کش مال کیا چُرائیں گے
خُوشیاں بانٹتے ہیں ہم، درد کیا لُٹائیں گے
کر کے روز مزدوری پیٹ اپنا بھرتے ہیں
کیوں امیر زادوں سے دوستی بڑھائیں گے
یاد کر کے سوتے ہیں ہم خُدا کی رحمت کو
چین اور سکوں کے دن کیوں نہ اپنے آئیں گے
زندگی کی راہوں میں ہم اُٹھا کے تکلیفیں
ظُلم کرنے والوں کو دہر سے مٹائیں گے
پتھروں کی بستی میں پل رہے ہیں ہم لیکن
دیکھ لینا دُنیا کو آئینہ ⌗دکھائیں گے
دیکھ لینا اے فرحت! ہم ادب کی محفل میں
جُھوم جُھوم کر اک دن شاعری سُنائیں گے
عمران فرحت
No comments:
Post a Comment