اک قیامت ہے بپا شور دل دلگیر سے
اُڑ گئے ٹُکڑے فلک کے آہ کی تاثیر سے
راز اُلفت کے عیاں ہونے کا ڈر جاتا رہا
خامشی سیکھی ہے ہم نے بُلبل تصویر سے
چھیڑتا ہے کس لیے ناصح اسیرِ زُلف کو
دم اُلجھتا ہے تِری اُلجھی ہوئی تقریر سے
کس کا دل زخمی کِیا تُو نے ستمگر کیا کِیا
خُوں ٹپکتا ہے لبِ سوفار و نوکِ تِیر سے
خوف کیا گر ہو گا مجمع روزِ حشر اے ناصری
میں اسے پہچان لوں گا خونِ دامن گیر سے
ناصری لکھنوی
No comments:
Post a Comment