فسانۂ غم دل کیوں سنا رہی ہوں میں

 فسانۂ غمِ دل کیوں سنا رہی ہوں میں

جو ہنس رہے تھے انہیں بھی رُلا رہی ہوں میں

کسی کی راہ میں ہستی لٹا رہی ہوں میں

تعلقات کے معنی بتا رہی ہوں میں

تیرا جنون ہے میرا ہر قدم پہ رہنما

قریب منزلِ مقصود آ رہی ہوں میں

کمالِ شوق نے کی وسعتِ نظر پیدا

جمالِ یار ہر اک شہ میں پا رہی ہوں میں

یہ میرا پیار الجھتا ہے ناز سے ان کے

وہ مجھ سے روٹھ گئے ہیں منا رہی ہوں میں

بزم میں ان کی نہیں کوئی سمجھنےوالا

یہ رازِ بے خودی کس کو بتا رہی ہوں میں

شبِ فراق کی تعریف کیا ہو فرزانہ

کہ لطفِ آرزوئے وصل پا رہی ہوں میں

فرزانہ غوری