عارفانہ کلام حمد نعت منقبت
ہے راہ حق یہی یہی رستہ رسولﷺ کا
منشا ہے جو خدا کا، ہے منشا رسولؐ کا
اللہ نے بلند کیا ذکر آپﷺ کا
رتبہ تمام نبیوں میں اعلیٰ رسولؐ کا
لازم ہے ہم پہ مِدحتِ آقائے نامدارؐ
یہ ساری کائنات ہے صدقہ رسولؐ کا
اک معجزہ کہ چاند کو دو لخت کر دیا
اک معجزہ کہ سایہ نہیں تھا رسولؐ کا
اُس ذاتِ با صفات سے روشن ہے کائنات
دونوں جہاں میں نُور ہے پھیلا رسولؐ کا
نسرین سید
No comments:
Post a Comment