عشقِ بُتاں کا لے کے سہارا کبھی کبھی
اپنے خدا کو ہم نے پکارا کبھی کبھی
آسودۂ خاطر ہی نہیں مطمحِ وفا
غم بھی کِیا ہے ہم نے گوارہ کبھی کبھی
اِس اِنتہائے ترکِ محبت کے باوجود
ہم نے لِیا ہے نام تمہارا کبھی کبھی
بہکے تو میکدے میں نمازوں پہ آ گئے
یوں عاقبت کو ہم نے سنوارا کبھی کبھی
طُوفاں کا خوف ہے ابھی شاید کرشمہ کار
آتا ہے سامنے جو کِنارا کبھی کبھی
تنہا روی نے رکھی ہمارے جنوں کی لاج
گو اہلِ کارواں نے پکارا کبھی کبھی
اب کیا کہیں دلِ مُتَلوّن مِزاج کو
اکثر یہ آپ کا ہے، ہمارا کبھی کبھی
پیہم سِتم سے عشق کی تسکِین ہو نہ جائے
اے دوست! اِلتفات، خُدا را کبھی کبھی
فریادِ غم سے عرشؔ سنبھلتا ہے دل، مگر
لیتے ہے اہلِ دِل یہ سہارا کبھی کبھی
اپنے خدا کو ہم نے پکارا کبھی کبھی
آسودۂ خاطر ہی نہیں مطمحِ وفا
غم بھی کِیا ہے ہم نے گوارہ کبھی کبھی
اِس اِنتہائے ترکِ محبت کے باوجود
ہم نے لِیا ہے نام تمہارا کبھی کبھی
بہکے تو میکدے میں نمازوں پہ آ گئے
یوں عاقبت کو ہم نے سنوارا کبھی کبھی
طُوفاں کا خوف ہے ابھی شاید کرشمہ کار
آتا ہے سامنے جو کِنارا کبھی کبھی
تنہا روی نے رکھی ہمارے جنوں کی لاج
گو اہلِ کارواں نے پکارا کبھی کبھی
اب کیا کہیں دلِ مُتَلوّن مِزاج کو
اکثر یہ آپ کا ہے، ہمارا کبھی کبھی
پیہم سِتم سے عشق کی تسکِین ہو نہ جائے
اے دوست! اِلتفات، خُدا را کبھی کبھی
فریادِ غم سے عرشؔ سنبھلتا ہے دل، مگر
لیتے ہے اہلِ دِل یہ سہارا کبھی کبھی
عرش ملسیانی
پنڈت بال مکند
No comments:
Post a Comment